Boletín ESPAZO COOP - 11/02/22 - Unión de Cooperativas Galegas

Dispoñibles os vídeos da Declaración de Santiago de Compostela 2021
"Cooperativas motor dunha recuperación máis social, sostible e participativa"

A finais do pasado ano as Presidentas de Agaca, Carmen Rodríguez, e de EspazoCoop, Ana Olveira, asinaban a Declaración de Santiago de Compostela nun acto no Museo do Pobo Galego para visibilizar o cooperativismo en Galicia. Trátase dunha declaración de principios e compromisos na que lanzan 11 demandas a institucións públicas e privadas.

“As cooperativas, motor dunha recuperación máis social, sostible e participativa” incide no peso do cooperativismo en Galicia, formado por 1.500 cooperativas activas cun constante e progresivo crecemento, incrementado nos anos de crise económica e con grande capacidade de adaptación ao entorno e con implantación en todos os sectores económicos e actividades sociais, culturais, asistenciais e humanistas.

A Asociación galega de cooperativas Agroalimentarias e a Unión de Cooperativas EspazoCoop estiveron acompañadas por representantes de organizacións estatais do cooperativismo e representantes da administración galega e europea que amosaron o seu apoio á economía cooperativa. Ler máis.

Vídeo resumo. Vídeo completo.

Medrando Xuntas
Talento feminino na economía social de Galicia

Dentro de dez días remata o prazo de inscripción da 6ª edición do programa formativo gratuíto Medrando Xuntas, incluído na Estratexia Galega de Economía Social da Xunta de Galicia. É unha oportunidade para promocionar o talento das mulleres nas entidades de economía social da nosa comunidade. O programa conta con dous itinerarios diferentes:

Medrando Xuntas directivas: para mulleres con responsabilidades de goberno e dirección.
Medrando Xuntas socias: para socias e traballadoras.

A formación terá lugar durante o primeiro semestre deste ano en modalidade mixta: presencial (se a situación sanitaria o permite) e dixital a través da plataforma ZOOM, permitindo o desenvolvemento de habilidades dixitais. Tamén contará con titorías online individuais para a mellora do desenvolvemento profesional das participantes. Ao finalizar o programa, celebrarase o V Foro participativo, que estará aberto ás mulleres da economía social galega. Prazo: 21 de Febreiro. Ler máis

Vídeo: Arabías s. coop. galega
Investigación, intervención socioeducativa, e xénero

Seguimos en Campaña de difusión de casos de cooperativas do Concello da Coruña. Hoxe presentámosche a Arabías, unha das nosas asociadas, que traballan no ámbito das políticas públicas de igualdade e en ámbitos socioeducativos. Tania Merelas e Beatriz López fálannos do enfoque da súa empresa e poñen en valor o modelo cooperativo elixido para facelo posible.

[Esta iniciativa fai parte do convenio de colaboración entre EspazoCoop e o Concello da Coruña para o fomento do cooperativismo e a economía social].
Vídeo de ARABÍAS s. coop. galega neste enlace

Asóciate!

Se es unha cooperativa galega e queres valorar facerte socia da Unión de Cooperativas EspazoCoop, ponte en contacto con nós, entaremos encantadas-os de responder as túas dúbidas e explicarte as vantaxes de pertencer á maior rede de cooperativas de Galicia.
Ler máis

Axudas

Cooperativas socias: tomade nota das últimas axudas convocadas. As asociadas podedes consultar diversas referencias de Axudas e acceder ás bases neste enlace: Axudas (introduce a clave habitual, ou contacta e facilitámoscha).

Licitacións

Sección para socias sobre licitacións en vigor ofertadas por administracións e organismos públicos. Acceso neste enlace (introduce a clave habitual, ou contacta con EspazoCoop para conseguila).

Medrando Xuntas Talento feminino na economía social de Galicia

Axudas

Medrando Xuntas
Talento feminino na economía social de Galicia